Елбасы Әзірет Сұлтан мешітіне барды -- "Құрбан айт – діни мереке ғана емес, барша ..." -- 22 Тамыз 2018
Джакартада жазғы Азия ойындарының ашылу салтанаты өтті -- "Индонезия астанасы Джакартада жазғы Азия ..." -- 20 Тамыз 2018
ШЕКАРАНЫҢ БЕРІКТІГІ – ЕЛ ТЫНЫШТЫҒЫНЫҢ КЕПІЛІ -- "ШЕКАРАНЫҢ БЕРІКТІГІ – ЕЛ ТЫНЫШТЫҒЫНЫҢ КЕПІЛІ ..." -- 17 Тамыз 2018
2018 жылдың 1 шілдесіндегі жағдай бойынша негізгі көрсеткіштерге шолу -- "2018 жылдың 1 шілдесіндегі жағдай бойынша негізгі ..." -- 15 Тамыз 2018
Каспий саммиті жылдар бойы шешілмей келген сұраққа нүкте қоюы мүмкін -- "Каспийді жағалай орналасқан 5 мемлекет осы аптада ..." -- 10 Тамыз 2018
«Хабар» Агенттігі мен КBS ынтымақтастық туралы меморандумға қол қойды -- "«Хабар» халықаралық ынтымақтастыққа ерекше мән ..." -- 10 Тамыз 2018
Павлодар облысында екі ауданның атауы өзгертілді -- "Елбасы Жарлығымен Павлодар облысының Качир, ..." -- 09 Тамыз 2018
Мемлекет басшысы ҚР Бас прокуроры Қ.Қожамжаровты қабылдады -- "Кездесу барысында Нұрсұлтан Назарбаевқа ..." -- 09 Тамыз 2018
«СЫЗДЫҚ БОҚАЙҰЛЫ ТУРАЛЫ СӨЗ» ҒЫЛЫМИ – ТАНЫМДЫҚ КОНФЕРЕНЦИЯ -- "Шиелі ауданы, Ыбырай Жақаев ауылы тектілігімен ..." -- 08 Тамыз 2018
ҚР ДСМ валсартаны бар препараттарды қайтарып алу себебін түсіндірді -- "Ел дәріханаларында «Вазар 80мг», «Вазар-Эйтч» ..." -- 03 Тамыз 2018

Мемлекеттік орган туралы жалпы ақпарат

Аудандық  білім бөлімі коммуналдық мемлекеттік мекемесі

  • Пошта индексі: 120700;
  • Мекен-жайы:  Қызылорда облысы, Шиелі кенті, Т.Рысқұлов көшесі, №19;
  • Тел/факс: 8 (72432) 4-14-16;
  • Электрондық пошта:  E-mail:shielyraioo@mail.ru

bilim

Шиелі аудандық  білім бөлімі коммуналдық мемлекеттік мекемесінің басшысын уақытша атқарушы

Сейілханов Болат Пернебайұлы, 1970 жылы 02 шілдеде Қызылорда облысы, Шиелі ауданы, Ортақшыл ауылында дүниеге келген. 

1977-1987 жылдары Ортақшыл ауылындағы №150 орта мектепте  орта білім алған.

1987-1992 жылдары Қорқыт Ата атындағы Қызылорда педагогикалық институтының филология факультетінде оқып, қазақ тілі мен әдебиеті пәні мұғалімі мамандығын алған.

1992-1993 жылдары Алматы қаласында Қазақстан Республикасы Республикалық Ұланы қатарында әскери борышымды өтеген.

Еңбек жолымды 1993 жылы Шиелі кентіндегі №46 А.С.Пушкин атындағы орта мектепте қазақ тілі мен әдебиеті пәні мұғалімі.

1994-1996 жылдары аталған мектепте мектеп директорының  тәрбие ісі жөніндегі орынбасары; 

1996-2001 жылдары Шиелі кентіндегі №256 (қазіргі №48) Ә.Қоңыратбаев атындағы орта мектепте мектеп директорының оқу ісі жөніндегі орынбасары;

2001-2003 жылдары Шиелі аудандық білім бөлімінде маман;

2003-2005 жылдары Шиелі аудандық ішкі саясат бөлімінде бас маман;

2005-2006 жылдары Шиелі ауданы әкімінің кеңесшісі;

2006-2007 жылдары Жиделіарық ауылындағы №206 орта мектебінің директоры;

2007-2012 жылдары Сұлутөбе ауылындағы №41 М.Шоқай атындағы орта мектеп директоры;

2012-2017 жылдары Шиелі кентіндегі №48 Ә.Қоңыратбаев атындағы мектеп-лицей директоры  қызметтерін атқарған.

2017 жылғы 27 қарашадан бастап Шиелі аудандық білім бөлімінің басшысы міндетін уақытша атқарып келеді.

Отбасылы, 2 ұл, 1 қыз тәрбиелеп отыр.

Негізгі міндеттер:

1. Бөлім жұмысына жалпы басшылық жасау, ведомствалық бағыныстағы аумақта білім саласында мемлекеттік саясатын жүзеге асыру. Ауданда жалпыға бірдей орта білім беру жұмысын жетілдіру және бала-бақшалардың материалдық-техникалық базасын нығайтуға ықпал ету, білім беру саласында жаңа технологияларды ұдайы енгізіп отыру, ауданда білім саласындағы кадрларды даярлау мен біліктілігін арттыруды жүйелі түрде жүргізу, мектеп бітірушілердің жоғарғы оқу орындарына білім гранты мен несиесі арқылы түсуіне ықпал жасау.

2. Аудандық білім беру мекемелерінің жұмысына басшылық жасау, білім саласындағы мемлекеттік саясатты іске асыру. Аудандық білім беру ұйымдарында оқу-тәрбиелік процестердің білім берудің жалпыға бірдей міндетті стандарттарының талаптарына сәйкестендірілуіне бақылау жасау.

3. ҚР Президенті Жарлықтарының, ҚР Үкіметі қаулыларының, облыс, аудан әкімдерінің өкім, шешімдерінің орындалуын бақылау.

4. Бөлімнің жұмысын тиімді әрі нәтижелі ұйымдастырады.

Азаматтарды қабылдауды, олардың ұсыныстарын, арыздары мен шағымдарын қарауды және  олар бойынша тиісті шешімдер қабылдауды ұйымдастырады.

Құрылымы

Ф.И.О.

Занимаемая должность

Рабочий телефон

1

Сейілханов Болат Пернебайұлы 

Начальник отдела

4-14-16

2

Баймуратова Жибек Орынбаевна

Заместитель

4-14-24

3

Ақпанбетов Марат Асанханұлы

Заведующий сектором

4-24-87

4

Биманов Дарын Абдирахманулы

Заведующий сектором

4-32-07

5

Тажибаева Рабига Нарымбайкызы

Главный специалист

4-34-16

6

Бупежанов Талгат Уалиханович

Главный специалист

4-24-87

7

Сыргабаев Канатбек Жолдыбайулы

Главный специалист

4-24-87

8

Ералиева Гүлназ Ералықызы

Бас маман

4-21-80

 

Бөлім бастығы жеке тұлғаларды және заңды тұлғалардың өкілдерін әр аптаның жұма күні сағат 09:00-19:00-ге  дейін қабылдайды.

Ереже

"Шиелі аудандық білім бөлімі" коммуналдық мемлекеттік мекемесінің Ережесі

1. Жалпы ережелер

      1. "Шиелі аудандық бiлiм бөлiмi" коммуналдық мемлекеттiк мекемесi бiлiм беру мектептерiнiң қызметiн үйлестiрудi қамтамасыз ететiн Қазақстан Республикасының мемлекеттiк органы болып табылады.
      2. "Шиелі аудандық бiлiм бөлiмi" коммуналдық мемлекеттiк мекемесiне бағынысты ведомствалары бар.
      3. "Шиелі аудандық бiлiм бөлiмi" коммуналдық мемлекеттiк мекемесi өз қызметiн Қазақстан Республикасының Конституциясына және заңдарына, Қазақстан Республикасының Президентi мен Үкiметiнiң актiлерiне, өзге де нормативтiк құқықтық актiлерге, сондай - ақ осы Ережеге сәйкес жүзеге асырады.
      4. "Шиелі аудандық бiлiм бөлiмi" коммуналдық мемлекеттiк мекемесi-мемлекеттiк мекеме ұйымдық-құқықтық нысанындағы заңды тұлға болып табылады, мемлекеттiк тiлде өз атауы бар мөрi мен мөртаңбалары, белгiленген үлгiдегi бланкiлерi, сондай-ақ Қазақстан Республикасының заңнамасына сәйкес қазынашылық органдарында шоттары болады.
      5. "Шиелі аудандық бiлiм бөлiмi" коммуналдық мемлекеттiк мекемесi азаматтық-құқықтық қатынастарға өз атынан түседi.
      6. "Шиелі аудандық бiлiм бөлiмi" коммуналдық мемлекеттiк мекемесi, егер заңнамаға сәйкес осыған уәкiлеттiк берiлген болса, мемлекеттiң атынан азаматтық-құқықтық қатынастардың тарапы болуға құқығы бар.
      7. "Шиелі аудандық бiлiм бөлiмi" коммуналдық мемлекеттiк мекемесi өз құзыретiнiң мәселелерi бойынша заңнамада белгiленген тәртiппен "Шиелі аудандық бiлiм бөлiмi" басшысының бұйрықтары түрiнде рәсiмделетiн шешiмдер қабылдайды.
      8. "Шиелі аудандық бiлiм бөлiмi" коммуналдық мемлекеттiк мекемесiнiң құрылымы мен штат санының лимитi қолданыстағы заңнамаға сәйкес бекiтiледi.
      9. Заңды тұлғаның орналасқан жерi: индекс 120700, Қазақстан Республикасы, Қызылорда облысы, Шиелі ауданы, Шиелі кенті, Т.Рысқұлов көшесі №19.
      10. "Шиелі аудандық бiлiм бөлiмi" коммуналдық мемлекеттiк мекемесiнiң жұмыс кестесi: 
      1) дүйсенбі мен жұма аралығында 5 (бес) күн жұмыс істейді;
      2) жұмыс уақыты жергілікті уақыт бойынша сағат 09.00-ден 19.00-ге дейін. Сағат: 13.00-ден 15.00-ге дейін үзіліс);
      3) сенбі және жексенбі күндері, сондай-ақ Қазақстан Республикасының заңнамасымен белгіленген мереке күндері жұмыс істемейді.
      11. Мемлекеттiк органның толық атауы: "Шиелі аудандық бiлiм бөлiмi" коммуналдық мемлекеттiк мекемесi.
      12. Осы Ереже "Шиелі аудандық бiлiм бөлiмi" коммуналдық мемлекеттiк мекемесiнiң құрылтай құжаты болып табылады. Шиелі аудандық бiлiм бөлiмi" коммуналдық мемлекеттiк мекемесiнiң құрылтайшысы Шиелі ауданының әкiмдiгi болып табылады.
      13. "Шиелі аудандық бiлiм бөлiмi" коммуналдық мемлекеттiк мекемесiнiң қызметiн қаржыландыру аудан бюджетiнен жүзеге асырылады.
      14. "Шиелі аудандық бiлiм бөлiмi" коммуналдық мемлекеттiк мекемесiне кәсiпкерлiк субъектiлерiмен бөлiмнiң функциялары болып табылатын мiндеттердi орындау тұрғысында шарттық қатынастарға түсуге тыйым салынады. 

2. Коммуналдық мемлекеттiк органның миссиясы, негiзгi мiндеттерi, функциялары, құқықтары мен мiндеттерi.

      15. "Шиелі аудандық бiлiм бөлiмi" коммуналдық мемлекеттiк мекемесiнiң миссиясы - Қазақстан Республикасының Конституциясы, бiлiм берудi дамытуға байланысты Қазақстан Үкiметi белгiленген заңнамаларға, балалар құқығын қорғау жөнiндегi конвенция, Қазақстан Республикасы Бiлiм және ғылым министрiнiң бұйрықтары, нормативтiк құқықтық құжаттарын басшылыққа ала отырып, аудандағы бiлiм беру мекемелерiнiң жұмысын үйлестiру.
      16. Мiндеттерi:
      1) ұлттық және жалпы адамзаттық құндылықтар, ғылым мен практика жетiстiктерi негiзiнде жеке адамды қалыптастыруға, дамытуға және кәсiптiк шыңдауға бағытталған сапалы бiлiм алу үшiн қажеттi жағдайлар жасау;
      2) жеке адамның шығармашылық, рухани және күш-қуат мүмкiндiктерiн дамыту, адамгершiлiк пен салауатты өмiр салтының берiк негiздерiн қалыптыстыру, даралықты дамыту үшiн жағдай жасау арқылы ой-өрiсiн байыту.
      3) Қазақстан Республикасының қолданыстағы заңнамасына сәйкес өзге де мiндеттердi жүзеге асырады.
      17. Функциялары:
      1) кешкi (ауысымды) оқу нысанын және интернат үлгiсiндегi ұйымдар арқылы ұсынылатын жалпы орта бiлiм берудi қоса алғанда, бастауыш, негiзгi орта және жалпы орта бiлiм берудi қамтамасыз етедi;
      2) бiлiм алушылардың ұлттық бiрыңғай тестiлеуге қатысуын ұйымдастырады;
      3) мектеп жасына дейiнгi және мектеп жасындағы балаларды есепке алуды, оларды орта бiлiм алғанға дейiн оқытуды ұйымдастырады;
      4) мектепке дейiнгi тәрбие мен оқытуға мемлекеттiк бiлiм беру тапсырысын орналастыруды қамтамасыз етеді;
      5) мамандандырылған жалпы бiлiм беретiн және арнайы оқу бағдарламаларын, сонадй-ақ мектепке дейінгі тәрбие мен оқыту және балаларға арналған қосымша білім беру бағдарламаларын iске асыратын мемлекеттiк бiлiм беру ұйымдарын қоспағанда, бастауыш, негізгі орта және жалпы орта білім берудің жалпы білім беретін оқу бағдарламаларын іске асыратын мемлекеттік білім беру ұйымдарын Қазақстан Республикасының заңнамасында белгiленген тәртiппен құрады, қайта ұйымдастырады және таратады;
      6) бастауыш, негiзгi орта және жалпы орта бiлiм берудiң жалпы бiлiм беретiн оқу бағдарламаларын iске асыратын мемлекеттiк бiлiм беру ұйымдарының (қылмыстық-атқару жүйесiнiң түзеу мекемелерiндегi бiлiм беру ұйымдарын қоспағанда) материалдық-техникалық қамтамасыз етiлуiн жүзеге асырады;
      7) жыл сайын 1 тамызға дейін мектепке дейінгі даярлықтың жалпы бiлiм беретiн оқу бағдарламаларын iске асыратын бiлiм беру ұйымдарына, орта білім беру ұйымдарына білім беру органдары оқу жылына болжатйн көлемде оқулықтар мен оқу-әдістемелік кешендерді сатып алуды және жеткiзудi ұйымдастырады;
      8) мектепке дейiнгi тәрбие мен оқытуға мемлекеттiк бiлiм беру тапсырысын, жан басына шаққандағы қаржыландыру және ата-ананың ақы төлеу мөлшерiн бекiтедi;
      9) аудандық әдiстемелiк кабинеттердiң материалдық-техникалық базасын қамтамасыз етедi;
      10) балаларға қосымша бiлiм берудi қамтамасыз етедi;
      11) аудан (қала) ауқымында жалпы бiлiм беретiн пәндер бойынша мектеп олимпиадаларын және ғылыми жобалар конкурстарын ұйымдастыру мен өткiзудi қамтамасыз етедi;
      12) мемлекеттiк бiлiм беру мекемелерiнiң мемлекеттiк атаулы әлеуметтiк көмек алуға құқығы бар отбасылардан, сондай-ақ мемлекеттiк атаулы әлеуметтiк көмек алмайтын, жан басына шаққандағы табысы ең төменгi күнкөрiс деңгейiнiң шамасынан төмен отбасылардан шыққан бiлiм алушылары мен тәрбиеленушiлерiне және жетiм балаларға, ата-анасының қамқорлығынсыз қалып, отбасыларда тұратын балаларға, төтенше жағдайлардың салдарынан шұғыл жәрдемдi талап ететiн отбасылардан шыққан балаларға және бiлiм беру ұйымының алқалы басқару органы айқындайтын өзге де санаттағы бiлiм алушылар мен тәрбиеленушiлерге жалпы бiлiм беретiн мектептердi ағымдағы ұстауға бөлiнетiн бюджет қаражатының кемiнде бiр пайызы мөлшерiнде қаржылай және материалдық көмек көрсетуге қаражат жұмсайды;
      13) жетiм балаларды, ата-аналарының қамқорлығынсыз қалған балаларды белгiленген тәртiппен мемлекеттiк қамтамасыз етудi, оларды мiндеттi жұмысқа орналастыруды және тұрғын үймен қамтамасыз етудi жүзеге асырады;
      14) мектепке дейiнгi бiлiм беру ұйымдарын қоспағанда, Қазақстан Республикасының заңнамасында белгiленген тәртiппен бiлiм беру ұйымдарының бiлiм алушылары мен тәрбиеленушiлерiне медициналық қызмет көрсетудi ұйымдастырады;
      15) Қазақстан Республикасының заңнамасында көзделген тәртiппен бiлiм алушылар мен тәрбиеленушiлердiң жекелеген санаттарын тегiн және жеңiлдiкпен тамақтандыруды ұйымдастырады;
      16) бiлiм беру ұйымдарында оқу бiтiрген адамдарды жұмысқа орналастыруға жәрдемдеседi;
      17) ауылдық жердегi бiлiм беру ұйымдарына жұмыс iстеуге келген жас мамандарды тұрғын үй-тұрмыстық жағдайлармен қамтамасыз етуге жәрдемдеседi;
      18) бiлiм алушылардың қоғамдық көлiкте жеңiлдiкпен жол жүруi туралы мәслихатқа ұсыныс енгiзедi;
      19) мектепке дейiнгi тәрбие және оқыту ұйымдарына және отбасыларына қажеттi әдiстемелiк және консультациялық көмек көрсетедi;
      20) бiлiм беру мониторингiн жүзеге асырады;
      21) негiзгi орта, жалпы орта бiлiм берудiң жалпы бiлiм беретiн оқу бағдарламаларын iске асыратын бiлiм беру ұйымдарының бiлiм туралы мемлекеттiк үлгiдегi құжаттардың бланкiлерiне тапсырыс беруiн және солармен қамтамасыз етiлуiн ұйымдастырады және олардың пайдаланылуына бақылауды жүзеге асырады;
      22) мемлекеттiк бiлiм беру ұйымдарының кадрмен қамтамасыз етiлуiн жүзеге асырады;
      23) бiлiм беру ұйымдарындағы психологиялық қызметтiң әдiстемелiк басшылығын қамтамасыз етедi;
      24) негiзгi орта, жалпы орта бiлiм беру ұйымдарында экстернат нысанында оқытуға рұқсат бередi;
      25) бiлiм беру ұйымдарында ерекше білім берілуіне қажеттілігі бар адамдар (балалар) үшін білім алудың арнайы жағдайларын жасайды;
      26) жергiлiктi мемлекеттiк басқару мүддесiнде Қазақстан Республикасының заңнамасымен жергiлiктi атқарушы органдарға жүктелетiн өзге де өкiлеттiктердi жүзеге асырады.
      18. Құқықтары мен мiндеттерi:
      заңнамада белгiленген тәртiппен мемлекеттiк органдардан, ұйымдардан, олардың лауазымды адамдарынан қажеттi ақпарат пен материалдар сұратуға және алуға;
      құзыретi шегiнде құқықтық және нормативтiк құқықтық актiлердiң жобаларын әзiрлеуге қатысу;
      қолданыстағы заңнамалық актiлерде көзделген өзге де құқықтарды жүзеге асыруға құқығы бар;
      2) жеке және заңды тұлғалардың жолдаған өтiнiштерiн қарауға, олардың орындалуын бақылауға, Қазақстан Республикасының заңнамасында белгiленген жағдайларда және тәртiппен олар бойынша жауаптар беруге;
      жеке тұлғаларды және заңды тұлғалардың өкiлдерiн қабылдауды ұйымдастыруға;
      заңды және негiзделген шешiмдер қабылдауға;
      қабылданған шешiмдердiң орындалуын бақылауды қамтамасыз етуге;
      қолданыстағы заңнамада қарастырылған өзге де мiндеттердi iске асыруға мiндеттi.

3. Коммуналдық мемлекеттiк органның қызметiн ұйымдастыру.

      19. "Шиелі аудандық бiлiм бөлiмi" коммуналдық мемлекеттiк мекемесiне басшылықты "Шиелі аудандық бiлiм бөлiмi" коммуналдық мемлекеттiк мекемесiне жүктелген мiндеттердiң орындалуына және оның функцияларын жүзеге асыруға дербес жауапты болатын басшы жүзеге асырады.
      20. "Шиелі аудандық бiлiм бөлiмi" коммуналдық мемлекеттiк мекемесiнiң басшысын Шиелі ауданының әкiмi қызметке тағайындайды және қызметтен босатады.
      21. "Шиелі аудандық бiлiм бөлiмi" коммуналдық мемлекеттiк мекемесiнiң басшысының өкiлеттiгi:
      1) бөлiм қызметкерлерiнiң мiндеттерi мен өкiлеттiктерiн анықтайды;
      2) бөлiмдi мемлекеттiк органдар мен басқа ұйымдарда бiлдiредi;
      3) бөлiм бұйрықтарына қол қояды;
      4) қолданыстағы заңнамаға сәйкес бөлiм қызметкерлерiн қызметке тағайындайды және қызметтен босатады;
      5) қолданыстағы заңнамаға сәйкес бөлiм қызметкерлерiн марапаттайды және тәртiптiк жазалау шараларын қабылдайды;
      6) бөлiмдегi сыбайлас жемқорлыққа қарсы әрекет етуге бағытталған шаралар қабылдайды және сыбайлас жемқорлыққа қарсы шаралар қабылдау үшiн дербес жауапты болады;
      7) гендерлiк теңдiк саясатын жүзеге асыру жұмыстарын ұйымдастырады;
      8) бөлiмнiң атынан сенiмхатсыз әрекет етедi;
      9) шарттар жасасады;
      10) сенiмхаттар бередi;
      11) өз қызметiн ұйымдастыру және оның iшкi тәртiбi мәселелерi бойынша регламент қабылдайды;
      12) жеке тұлғаларды және заңды тұлғалардың өкiлдерiн жеке қабылдау кестесiн бекiтедi;
      13) Қазақстан Республикасының заңнамасына сәйкес өзге де өкiлеттiлiктердi жүзеге асырады. 
      "Шиелі аудандық бiлiм бөлiмi" коммуналдық мемлекеттiк мекемесi басшысы болмаған кезеңде оның өкiлеттiктерiн қолданыстағы заңнамаға сәйкес оны алмастыратын тұлға орындайды.
      22. "Шиелі аудандық бiлiм бөлiмi" коммуналдық мемлекеттiк мекемесiнiң қызметкерлерiнiң еңбегiн ұйымдастыру Қазақстан Республикасының Еңбек кодексiмен реттеледi.

4. Коммуналдық мемлекеттiк органның мүлкi.

      23. "Шиелі аудандық бiлiм бөлiмi" коммуналдық мемлекеттiк мекемесiнiң заңнамада көзделген жағдайларда жедел басқару құқығында оқшауланған мүлкi болу мүмкiн.
      "Шиелі аудандық бiлiм бөлiмi" коммуналдық мемлекеттiк мекемесiнiң мүлкi оған меншiк иесi берген мүлiк, сондай-ақ өз қызметi нәтижесiнде сатып алынған мүлiк (ақшалай кiрiстердi қоса алғанда) және Қазақстан Республикасының заңнамасында тыйым салынбаған өзге де көздер есебiнен қалыптастырылады.
      24. "Шиелі аудандық бiлiм бөлiмi" коммуналдық мемлекеттiк мекемесiне бекiтiлiп берiлген мүлiк аудандық коммуналдық меншiкке жатады.
      25. Егер заңнамада өзгеше көзделмесе, "Шиелі аудандық бiлiм бөлiмi" коммуналдық мемлекеттiк мекемесi өзiне бекiтiлген мүлiктi және қаржыландыру жоспары бойынша өзiне бөлiнген қаражат есебiнен сатып алынған мүлiктi өз бетiмен иелiктен шығаруға немесе оған өзгедей тәсiлмен билiк етуге құқығы жоқ.

5. Коммуналдық мемлекеттiк органды қайта ұйымдастыру және тарату.

      26. "Шиелі аудандық бiлiм бөлiмi" коммуналдық мемлекеттiк мекемесiн қайта ұйымдастыру және тарату Қазақстан Республикасының заңнамасына сәйкес жүзеге асырылады.
      "Шиелі аудандық бiлiм бөлiмi" коммуналдық мемлекеттiк мекемесiнiң және оның ведомстволарының тiзбесi:
      1) Шиелі аудандық білім бөлімінің "№45 " Ақ Орда мектеп - гимназиясы" коммуналдық мемлекеттік мекемесі;
      2) Шиелі аудандық білім бөлімінің "№46 А.С.Пушкин атындағы мектеп-лицейі" коммуналдық мемлекеттік мекемесі;
      3) Шиелі аудандық білім бөлімінің "№47 М.В. Ломоносов атындағы мектеп-лицейі" коммуналдық мемлекеттік мекемесі;
      4) Шиелі аудандық білім бөлімінің "№48 Ә. Қоңыратбаев атындағы мектеп-лицейі" коммуналдық мемлекеттік мекемесі;
      5) Шиелі аудандық білім бөлімінің "№127 Ш.Уәлиханов атындағы орта мектеп-лицейі" коммуналдық мемлекеттік мекемесі;
      6) Шиелі аудандық білім бөлімінің "№219 Ы.Алтынсарин атындағы қазақ орта мектебі" коммуналдық мемлекеттік мекемесі;
      7) Шиелі аудандық білім бөлімінің "№244 Ы.Жахаев атындағы қазақ орта мектебі" коммуналдық мемлекеттік мекемесі;
      8) Шиелі аудандық білім бөлімінің "Г.Н. Ковтунова атындағы №252 мектеп-гимназиясы" коммуналдық мемлекеттік мекемесі;
      9) Шиелі аудандық білім бөлімінің "№270 орта мектебі" коммуналдық мемлекеттік мекемесі;
      10) Шиелі аудандық білім бөлімінің "№40 орта мектебі" коммуналдық мемлекеттік мекемесі;
      11) Шиелі аудандық білім бөлімінің "№41 М.Шоқай атындағы орта мектебі" коммуналдық мемлекеттік мекемесі;
      12) Шиелі аудандық білім бөлімінің "№49 орта мектебі" коммуналдық мемлекеттік мекемесі;
      13) Шиелі аудандық білім бөлімінің "№50 Абай атындағы орта мектебі" коммуналдық" мемлекеттік мекемесі;
      14) Шиелі аудандық білім бөлімінің "№141 К.Сабиров атындағы орта мектебі" коммуналдық мемлекеттік мекемесі;
      15) Шиелі аудандық білім бөлімінің "№142 орта мектебі" коммуналдық мемлекеттік мекемесі;
      16) Шиелі аудандық білім бөлімінің "№148 қазақ орта мектебі" коммуналдық мемлекеттік мекемесі;
      17) Шиелі аудандық білім бөлімінің "№149 Қызылту" орта мектебі" коммуналдық мемлекеттік мекемесі;
      18) Шиелі аудандық білім бөлімінің "№150 қазақ орта мектебі" коммуналдық мемлекеттік мекемесі;
      19) Шиелі аудандық білім бөлімінің "№152 қазақ орта мектебі" коммуналдық мемлекеттік мекемесі;
      20) Шиелі аудандық білім бөлімінің "№153 Ш.Есенов атындағы мектеп-лицейі" коммуналдық мемлекеттік мекемесі;
      21) Шиелі аудандық білім бөлімінің "№155 Д.Шыныбеков атындағы орта мектебі" коммуналдық мемлекеттік мекемесі;
      22) Шиелі аудандық білім бөлімінің "№156 Нартай Бекежанов атындағы қазақ орта мектебі" коммуналдық мемлекеттік мекемесі;
      23) Шиелі аудандық білім бөлімінің "№157 Б.Пәрімбетов атындағы қазақ орта мектебі" коммуналдық мемлекеттік мекемесі;
      24) Шиелі аудандық білім бөлімінің "№158 орта мектебі" коммуналдық мемлекеттік мекемесі;
      25) Шиелі аудандық білім бөлімінің "№159 " Еңбекші қазақ орта мектеб коммуналдық" мемлекеттік мекемесі;
      26) Шиелі аудандық білім бөлімінің "№181 жалпы білім беретін қазақ орта мектебі" коммуналдық мемлекеттік мекемесі;
      27) Шиелі аудандық білім бөлімінің "№205 қазақ орта мектебі" коммуналдық мемлекеттік мекемесі;
      28) Шиелі аудандық білім бөлімінің "№206 "Жиделіарық орта мектебі" коммуналдық мемлекеттік мекемесі;
      29) Шиелі аудандық білім бөлімінің "№207 " Жаңатұрмыс" орта мектебі" коммуналдық мемлекеттік мекемесі;
      30) Шиелі аудандық білім бөлімінің "№ 214 орта мектебі" коммуналдық мемлекеттік мекемесі;
      31) Шиелі аудандық білім бөлімінің "№228 Ш.Бәкіров атындағы орта мектебі" коммуналдық мемлекеттік мекемесі;
      32) Шиелі аудандық білім бөлімінің "№241 Қ.Әбдіқадыров атындағы орта мектебі" коммуналдық мемлекеттік мекемесі;
      33) Шиелі аудандық білім бөлімінің "№251 М.Әуезов атындағы орта мектебі" коммуналдық мемлекеттік мекемесі;
      34) Шиелі аудандық білім бөлімінің "№133 негізгі мектебі" коммуналдық мемлекеттік мекемесі;
      35) Шиелі аудандық білім бөлімінің "№154 негізгі мектебі" коммуналдық мемлекеттік мекемесі;
      36) Шиелі аудандық білім бөлімінің "№243 негізгі орталау мектебі" коммуналдық мемлекеттік мекемесі;
      37) Шиелі аудандық білім бөлімінің "№84 негізгі мектебі" коммуналдық мемлекеттік мекемесі;
      38) Шиелі аудандық білім бөлімінің "№151 негізгі мектебі" коммуналдық мемлекеттік мекемесі;
      39) Шиелі аудандық білім бөлімінің "Ақтам" бастауыш мектебі" коммуналдық мемлекеттік мекемесі;
      40) Шиелі аудандық білім бөлімінің "Жуантөбе" бастауыш мектебі" коммуналдық мемлекеттік мекемесі;
      41) Шиелі аудандық білім бөлімінің "Лесхоз" бастауыш мектебі" коммуналдық мемлекеттік мекемесі;
      42) "Шиелі аудандық Оқушылар үйі" мемлекеттік коммуналдық қазыналық кәсіпорны;
      43) "Шиелі аудандық жалпы орта білім беретін кешкі мектеп" коммуналдық мемлекеттік қазыналық кәсіпорны; 
      44) "Шиелі аудандық балалар әуез мектебі" мемлекеттік коммуналдық қазыналық кәсіпорны;
      45) "Сыр ұланы" лагері" мемлекеттік қазыналық кәсіпорыны;

Жалпы мәлімет

Ауданда 41 мектеп (оның 33 орта, 5 негізгі, 3 бастауыш) жұмыс істейді. Олардың 32–і типтік жобада, қалғандары ыңғайластырылған ғимараттарда орналастырылған.                       115 мектепке дейінгі мекеме, 3 мектептен тыс мекеме (Әуез мектебі, Оқушылар үйі және «Сыр ұланы» лагері) бар.

Шиелі аудандық білім бөлімін басқарған азаматтар Н. Еспенбетовтің,- 1939-1945, А. Тұржановтың – 1945-1946, К.Рысдаулетовтің– 1946-19485, А. Бекпенбетовтің– 1948-1953, Есенгелдиев Ертайдың – 1953-1955, Тайманов Дүйсеттің – 1955-1962, 1964-1979. Әйтілеуов Әбсадықтың – 1962-1964, Жағыпар Зермұхамедов 1979-2000,  жасампаз еңбектері мен толағай табыстары кейінгі ұрпақтарға үлгі-өнеге болып келеді.

1936-2016 жылдары аудандық білім бөлімін басқарған азаматтар. 

1. Н. Еспенбетов- 1939-1945

2. А. Тұржанов– 1945-1946

3. К.Рысдаулетов– 1946-19485

4. А. Бекпенбетов– 1948-1953

5.Есенгелдиев Ертай– 1953-1955

6.Тайманов Дүйсет– 1955-1962

7.Әйтілеуов Әбсадық– 1962-1964

8.Тайманов Дүйсет– 1965-1979

9. Зермұхамедов Жағыпар-1979-2000

10. Палымбетова Нәйла-2000-2008

11. Бимағанбетов Арман -2008-2009

12. Сатаев Бегімтай -2009-2010

13. Оңғаров Қалилулла-2010-2011

14. Тәкен Эльмира – 2011-2015

15. Жақыпов Нұржан 2016 жыл 2 маусым-2017

16.Сейілханов Болат Пернебайұлы, 2017жылдан

Видео ақпараттар

Scroll to top