«ГЕЖУБА ШИЕЛІ ЦЕМЕНТ» ЗАУЫТ АЛАҢЫНДА ОРЫН АЛҒАН ТӨТЕНШЕ ЖАҒДАЙҒА ... -- "Бүгін Шиелі ауданында құрылысы жүріп жатқан ..." -- 21 Қараша 2018
Ы.ЖАҚАЕВ ЕЛДІ МЕКЕНІ КӨГІЛДІР ОТЫНҒА ҚОСЫЛДЫ -- "Бүгін облыс әкімі Қ.Е.Көшербаевтың Шиелі ауданына ..." -- 19 Қараша 2018
ҚЫЗЫЛОРДАЛЫҚ ӨНЕРПАЗДАР ШИЕЛІНІҢ ТӨРІНДЕ -- "Бүгін аудандық мәдениет үйінде Қызылорда ..." -- 15 Қараша 2018
ХАБАРЛАНДЫРУ -- "" -- 12 Қараша 2018
5 сұрақ -- "5 сұрақ Мемлекеттік кепілдік бойынша айырма ..." -- 09 Қараша 2018
АҚПАРАТТЫҚ ХАБАРЛАМА -- "АҚПАРАТТЫҚ ХАБАРЛАМА Өзіне-өзі қызмет көрсету ..." -- 05 Қараша 2018
Нұрсұлтан Назарбаев халыққа қолжетімді әуе компаниясын құруды тапсырды -- "Мемлекет басшысы Инвестициялар және даму министрі ..." -- 05 Қараша 2018
«7-20-25»: Ипотека алғандардың 60%-ы айына 100 мың теңгеден кем ... -- "«7-20-25» бағдарламасы арқылы ипотека алғандардың ..." -- 05 Қараша 2018
8 қарашада Астанада мемлекет басшыларының деңгейінде ҰҚШҰ кеңесі өтеді -- "8 қарашада Астана қаласында мемлекет ..." -- 05 Қараша 2018

Шиелі аудандық білім бөлімі бойынша 2018 жылдың 9 айлық қорытынды атқарылған жұмыстар есебі

 Биылғы жылы жарияланған Елбасы Жолдауы -  еліміздің төртінші өнеркәсіптік революция кезеңінде алға қойған мақсатқа жету жолының басым бағыттары толық айқындалған құжат болып табылады. Елбасы Н.Назарбаевтың «Ұлттың бәсекеге қабілеттілігі ең алдымен оның білім деңгейіне қарай айқындалады»  деген тұжырымды сөзін тілге тиек еткім келеді. Білім –әр мемлекеттің дамуында негізгі рөл атқарады. Қазіргі экономика- адам ресурстарының экономикасы. Ондағы басты байлық-адам, яғни адами капиталдың дамуы.Халықаралық зерттеулер нәтижесінде қазіргі ең дамыған  мемлекеттер табысындағы адами капиталдың үлесі 81%  , физикалық капитал – 17 %, табиғи капитал – 1%. Жаһандану дәуірінде мемлекеттің дамуына  табиғат ресурстары, өндірістің құралдары мен дайын  өнім қорларының  маңыздылығы  төмендеп, адамның зияткерлік құзіреттері мен жасанды интеллект эконономиканың діңгегі болмақ. Өндіріс пен тұрмысты автоматтандыру, робботтандыру алдағы он жылдықтар еншісінде. Қазақстан  дамыған 30 елдің қатарына қосылуы үшін бәсекеге қабілетті, қоғамды дамытуда  білім беру жүйесінің стратегиясы айқындалған. Мемлекеттік білім беру саясатын  іске асыруда Шиелі  ауданының білім  саласы нәтижеге қол жеткізіп келеді.

Бұл бағыттағыжұмыстар келесі міндеттердің орындалу барысынан байқалады.

Мектепке дейінгі тәрбие мен оқытуда балалардың ерте жастан дамуы үшін олардың әлеуметтік дағдыларын және өз бетінше оқу дағдыларын дамыту мақсатында ауданымызда3-6 жастағы балаларды мектепке дейінгі тәрбие мен оқытумен қамту 100 пайызды құрап отыр. Жекеменшік мектепке дейінгі ұйымдардың желісі 63 бірлікке өсіп, жалпы үлесі 75 пайызды құрады. Жаңа оқу жылынан бастап ауданда балабақшаға кезекке тұрудың және жолдама берудің автоматтандырылған жүйесі іске қосылатын болады. Бұл осыған дейін көп қиындықтар мен қолайсыздықтар тудырып келген жағымсыз жағдайлардан құтылудың және кезектілік пен балалардың жасына байланысты олқылықтардың орын алмауын болдырмаудың ең тиімді жолы болмақ.

Орта білім беруде жаңартылған мазмұнға көшу жалғасуда. 2018 жылғы 1 қыркүйектен бастап, 3,6,8-сыныптар ауысады. Ағымдағы жылдың соңына дейін балалардың 75 пайызы жаңартылған мазмұнда білім берумен қамтылатын болады. Жаңартылған білім мазмұны баланың жан-жақты дамуы, біртұтас, функционалдық сауаттылығының дамуы, жеке қасиеттерінің дамуы өте маңызды. Мұғалімдерден  жаңартылған мазмұнда жұмыс жасауда үздіксіз оқып-үйрену,командамен жұмыс,мәселелерді шешу, шығармашылық  ізденісте болу талап етіледі.

Биылғы жылы 1-11 сыныптарға арналған жаңа мемелекеттік стандарттар,көп нұсқалы типтік оқу жоспарлары  мен оқу бағдарламалары бекітілді. Бұл-мектептерге академиялық дербестік береді. Мектеп әлеуетіне сай оқу жоспарларын таңдау мүмкіндігі жасалады.

Биылғы жылы да НЗМДБҰ-ңоқу-тәрбие жұмыстарындағыозық тәжірибелерін орта мектептерге енгізу жалғасын табатын болады.

Педагог қызметкерлердің әлеуетін арттыру және кәсіби қолдау жұмыстары жүйелі жүргізілуде.  1280 педагог жаңартылған мазмұн бойынша оқу курсынан өткен. Жаңартылған білім мазмұны бойынша сабақ беретін мұғалімдердің жалақысы 30 пайызға көтерілді.

Бүгінге дейін 54 пән мұғалімі жекелеген пәндерді ағылшын тілінде оқыту үшін тіл курстарында оқуда.Жаңа оқу жылында 7 мектепте 21 мұғалім 10-11-сыныптарда пилоттық режимде жаратылыстану ғылымы циклі пәндерін ағылшын тілінде жүргізуді бастайды. 2018 жылғы 1 қыркүйектен бастап курстан кейінгі сүйемелдеу шеңберінде ағылшын тілінде оқытуды бастайтын мұғалімдер менторлық бойынша біліктілікті арттыру курстарына қатысатын болады.

Педагог қызметкерлері мен оларға теңестірілген тұлғаларды аттестаттаудан өткізу жайлы

Елбасының 2018 жылғы 10 қаңтардағы Қазақстан халқына Жолдауында  «2018 жылы категориялар арасындағы алшақтықты арттырып, мұғалімдер үшін біліктілік деңгейін ескеретін категориялардың жаңа кестесін енгізуді тапсырамын. Категорияларды бүкіл әлемде қолданылып жүрген  ұлттық біліктілік тест арқылы беру керек. Бұл педагогтарды өздерін ұдайы жетілдіруге ынталандыратын болады.  Нәтижесінде,  мұғалімдердің жалақысы біліктілігінің расталуына байланысты тұтастай алғанда30 проценттен 50 процентке дейін өседі» делінген.

         «Мектепке дейінгі,  бастауыш, негізгі орта,жалпы орта білімнің жалпы білім беретіноқу бағдарламаларын, техникалық жәнекәсіптік,  орта  білімнен кейінгі білімнің білім  беру бағдарламаларын іске асыратын білім беру ұйымдарында жұмыс  істейтін педагог     қызметкерлер    мен   оларға теңестірілген   тұлғаларды   және   білім және   ғылым   саласындағы  басқа  да азаматтық қызметшілерді аттестаттаудан өткізу қағидалары мен шарттарын бекіту туралы»  Қазақстан   Республикасы Білім және ғылым министрінің  2016 жылғы27 қаңтардағы № 83 бұйрығына өзгерістеренгізу туралы 2018 жылғы 12 сәуірдегі №152 бұйрығымен бекітілген Қағидаға сәйкес мұғалімдерді жаңа жүйеде аттестаттау бойынша 2018 жылдың 26-28 мамыр күндері аралығында Ұлттық біліктілік тестілеуге қатысуға өтініш берген 432 педагогтың  417-сі ұлттық біліктілік тестілеуден өтті. Оның ішінде педагог-модератор біліктілік санатына 97 мұғалім өтініш беріп, оның 65-і, педагог-сарапшы біліктілік санатына 199 мұғалім өтініш беріп, оның 108-і, педагог-зерттеуші біліктілік санатына 110 мұғалім өтініш беріп оның 63-і, шебер-педагог біліктілік санатына 11 мұғалім өтініш беріп, оның 3-і тесттен өтті.

Сараптау комиссиясының оң қорытындысын алған алған педагогтар 2018 жылдың 1 қыркүйегінен бастап жалақыларына   үстеме ақы алатын болады.

Білім саласын цифрландыру  мектептерде сандық білім ресурстарын пайдалану белсенділігі жоғары, мектептегі үдерісті  автоматтандыру  жұмыстары  іске асырылды. Кең жолақты интернет желісіне қосылған білім мекемелері сынып журналы мен күнделікті электронды түрде жүргізетін болады.  Елімізде «Цифрлы Қазақстан» бағдарламасын іске асырудың Жол картасында барлық мектептердің 30 пайызын роботты техника кабинеттерімен жабдықтау міндеттелген. Біздің аудан бұл межені 44 пайызға орындап отыр.  Роботототехника кабинеті ашылған 8 мектепте және
1-қыркүйектен ашылатын10 мектепте сабақ беретін информатика пәні мұғалімдері толық арнайы курстан өткізілді. Дегенмен мұнымен шектелмей, алдағы уақытта роботты техника, бағдарламалау, мехатроника, вебдизайн және модельдеу сияқты бес бағытта оқытатын арнайы курстарға мұғалімдерді жіберуді жоспарлап отырмыз. Олар ІТ маман куәлігін алатын болса, биылғы жылы 3-сыныпта, келесі жылдан 1,2-сыныптарда ойын түрінде оқуды бастаған  оқушыларымыз мектеп бітіргенде өндірісте жұмыс істеуге дайын болады. Осыдан біраз уақыт бұрын «Нұр Отан» партиясы «Цифрлы Қазақстан» бағдарламасы аясында балаларға арналған  1 мың тегін ІТ сыныптарын ашу жөнінде ұсыныс айтқаны белгілі. Бұл бастама аудан көлемінде жүзеге асырылатын болса, біздің мектептеріміз дайын екендігін мәлімдегім келеді.

Жаңа технологиялар заманында электронды түрде ақпарат алмасу білім көкжиегін одан әрі кеңейте түсуге ықпал етеді. Мектептеріміздің кең жолақты интернет желісіне толық қосылуын қамтамасыз етіп, жаңа оқу жылында мектеп кітапханалар желісін аудандық ақпараттық кітапханалар жүйесіне жаңа коворкинг орталығын құруға да мүмкіндігіміз бар. Бұл оқушыларымыздыбілімге құштарлығын арттыруға септігін тигізіп, қолайлы қызмет көрсету үшін қажетті гаджет құралдармен жабдықтау арқылы, кез келген телефонға қосылып, тегін әрі жылдам қажетті ақпарат алуға мүмкіндік берер еді.

«Болашаққа бағдар: рухани жаңғыру» мақаласының «Тәрбие және білім» кіші бағдарламасы қоғамдық сананы жаңғыртудың жасампаз жаршысына айналып отыр. «Өлкетану», «Отаным - тағдырым», «Саналы азамат», «Кітап-  білім бұлағы»бағыттары бойынша өткізілген шаралар  жас ұрпақтың рухани танымын тереңдетіп, ұлттық құндылықтардан тағылым алды.«Рухани жаңғыру» бағдарламасы аясында «Мектебіме тарту» жобасын іске асыруды ұсынамын. Жоба мақсаты мектептерді химия, физика, биология және роботты техника сыныптарымен Назарбаев зияткерлік мектептерінің тәжірибесі негізінде заманауи құрал-жабдықтармен жабдықтау болып табылады. Жас ұрпаққа қажет бұл жобаны қаржыландыруды аудан кәсіпкерлері мен ірі кәсіпорындар қуаттайды деген үміттеміз.

Оқу жетістіктерін бағалауда қазақстандық оқушылар халықаралық зерттеулерде жақсы нәтиже көрсетуде. Аудан мектептері 2015 және 2018 жылы PISA зерттеуі арқылы 15 жастағы оқушылардың функционалдық сауаттылығы сарапталды. 2016 жылы    PIRLS  зерттеуінде мәтінді оқу және түсіну сапасы бойыншаГермания мен Словакия оқушыларымен деңгейлес болып, 50 елдің ішінде 27 орынға тұрақтады.

2018 жылғы қорытынды мемлекеттік аттестаттау және ҰБТ қорытындысы

Биылғы жылы мектеп бітіруші  892  түлек  қорытынды аттестаттаудан өтіп, 40 түлек Ерекше үлгідегі «Алтын белгі», 19 оқушы Үздік аттестат иеленді. №72 ҰБТӨП-і ереже талаптарына сәйкес материалдық-техникалық құралдармен толық жабдықталды. Жалпы орта білім беру курсын ақтаған 892  бітірушінің 522-і (58,5%) ҰБТ-ға қатысуға өтініш беріп, 518  (58 пайызы) түлек қатысты. Орта балл - 81,4 көрсетіп, өткен оқу жылымен салыстырғанда 1 пайызға көтерілді. Қатысқан оқушылар арасынан 18 оқушы шекті деңгейдегі баллды жинай алмады. Дегенмен қайта тест тапсыру нәтижесімен жоғары балл жинап, грант иегерлері атанды.

Ең жоғары 125 балды  №127  мектеп-лицей түлегі Матханов Табиғат иеленді.  69 түлек (13,3 пайызы) 100-100-ден жоғары балл алды. Мемлекеттік грант иегерлерінің  саны -339 болса, бұл жалпы қатысушылардың 65,4 пайызы.  Оның ішінде «Серпін» бағдарламасы  бойынша грант саны -141, облыс әкімінің гранты 19 мамандық бойынша беріліп, 27 түлек грант иеленді.

Бітіруші түлектеріміз  педагогикалық мамандықтарға-82,медициналық мамандықтарға-19,техникалық-148,ауыл шаруашылық мамандықтарына-33,қызмет көрсету саласына-12,әлеуметтік салаға-15, өнер саласына 3 түлек таңдау жасады.Мұнан бөлек кәсіптік – техникалық оқу орындарына « Еңбек» нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған бағдарламасы» бойынша  65 балаға жолдама берілді.

         Аудан әкімінің бастамасымен ҰБТ-ға дайындық сапасын арттыру мақсатында жаңа оқу жылында біршама тың жобаларды іске асыру жоспарлануда. Мектеп бітірушілердің кәсіби бағдарын нақты анықтайтын «Кәсіп тест» диагностикасын өткізу, «Айқын» білім деңгейін анықтау жүйесін енгізу, «Мамандық таңдау кілті» кітабын бітірушілерге тегін тарату, жоғары оқу орындары ғалымдарымен  байланысты нығайту жұмыстары басталып та кетті.Атап айтсақ «Еліме қызмет етемін» тақырыбындағы жоба «EDTECH-KZ»  Халықаралық білім орталығының бас директоры, ЮНЕСКО клубының жетекшісі, республикалық жекеменшік білім ұйымдары қауымдастығы директорының орынбасары, жерлесіміз Бейсембаев Ғани Бектайұлымен бірлесіп  жұмыс атқарылатын болады.

Мектеп оқушыларының зияткерлік, ғылыми әлеуетін көтеру – интеллектуалды ұлт тәрбиелеудің алғышарты.

Жалпы білім беретін пәндер бойынша  Республикалық олимпиаданың ІІІ кезеңіне (облыстық) 9 мектептен  (атап айтсақ: №№45,46,47,127,48, 252, 270,40,251  мектептер)  13 оқушы  жолдама  алды.

Қатысқан 13 оқушының 11 жүлделі орын иегері атанды, орындалуы  78,5 пайыз. Облыс аудандары арасында  Шиелі ауданы  «Ең үздік олимпиадалық команда »  номинациясымен марапатталды.

Республикалық олимпиаданың ІVкезенінде 25-30 наурыз арасында Қостанай қаласында Қазақстан тарихы пәні бойынша өткен олимпиадада №47 мектеп –лицей оқушысы  Сағынтаева Таңшолпан (жетекшісі Қасқабаева Фатима)       « Ерекше жетістіктер көрсеткен үшін»  марапатталды.

Бүгінде ауданымызда 41 мектепте  оқушылардың 31 ғылыми қоғамы жұмыс жасайды. Оған жалпы 920 оқушы тартылған. Дарынды  балаларды анықтау, олардың ғылыми  әлеуетін дамытуға және іске асыруға жағдай жасау мақсатында оқушылар  арасында  түрлі зияткерлік сайыстар, байқаулар, олимпиада және ғылыми жоба жарыстары ұйымдастырылып келеді.

«100 нақты қадам» Ұлт жоспарын іске асыру аясында ЭЫДҰелдерінің стандарттары негізінде адам капиталының сапасын көтеруге бағытталған білім беру саласындағы 5 қадамның бірі «Нұрлы Болашақ» ұлттық жобасын әзірлеу және жүзеге  асыру. Мектептік білім берудің қолданыстағы оқу бағдарламаларына «Мәңгілік ел» құндылықтарын енгізу болып табылады. Сондай-ақ білім ұйымдарындағы тәрбие жұмыстарының мазмұны «Рухани жаңғыру» идеялары негізінде іске асырылуда.

Балалардың құқықтарын қорғау

Еліміздің ең басты капиталы–балалардың құқықтарын қамтамасыз ету. Мектеп оқушыларының интернетке кіру қауіпсіздігін, тиімді тамақтандырумен қамтамасыз ету, бала еңбегін қанауға, зорлық- зомбылыққажол бермеу мақсатты жұмыстары жүйелі түрде жүргізіліп,күн тәртібінен түспеуі тиіс. Бүл бағытта мектеп, қоғам және отбасы бірлігі маңызды. Мектептерде құрылған Қамқоршылық кеңесінің жұмысын жандандырып, мәртебесін арттыруға тиіспіз.

«Менің таңдауым- балаларға көмек көрсету!» ұранымен  жылма –жыл дәстүрлі  «Мектепке жол» акциясы барлық білім беру мекемелерінде өткізіледі. Мектеп оқушыларын әлеуметтік қолдау  мақсатындағы қайырымдылық шаралар жыл көлемінде жалғасын тауып отырады. Аудан әкімі Әшім Оразбекұлының қолдауымен білім мекемелері қызметкерлері,ата-налар қауымы,мекеме басшылары мен кәсіпкерлер акция аясында аудан бойынша 644 балаға 3 млн 864 мың теңгеге  мектеп формасы, оқу құрал – жабдықтарымен  көмек көрсетілді.

Биылғы  жылы 1-10 сынып аралығында 15626 бала оқыса, жазғы демалыспен және Қазақстанның қасиетті жерлеріне  саяхатпен олардың 93%-ы қамтылды.

Видео ақпараттар

Scroll to top